Communiqué zum Fonctionnarisatiounsaccord vun de Chargéeën am Enseignement secondaire

D’OEE/CGFP huet de 5. Juni 2026 zesumme mam Minister Claude MEISCH an der

FEDUSE een Accord iwwert d’Modalitéite vun der Fonctionnarisatioun an d’Opwäertung

vum Certificat pédagogique vun de Chargéeën am Enseignement secondaire

ënnerschriwwen.

Dësen Accord baut op den Accord salarial vum 29. Januar 2025 op, deen d’Méiglechkeet

virgesäit, sech schonn no 10 amplaz eréicht no 15 Déngschtjoren fonctionnariséiere ze

loossen.

Fir d’ OEE/CGFP war et wichteg, datt d’Qualitéit vum Enseignement och an Zukunft am

Mëttelpunkt steet. Dësen Accord gesäit keng automatesch Fonctionnarisatioun vir.

Gläichzäiteg gëtt d’Bewäertung, am Kader vun der Fonctionnarisatioun, ugepasst,

andeems méi Wäert op d’Virbereedung vun de Coursen, op déi pedagogesch Reflexioun,

d’Dokumentatioun an d’Analyse vun der eegener Praxis geluecht gëtt.

D’Observatioun vun enger Schoulstonn bleift Bestanddeel vun der Prozedur, soll awer

net méi eleng am Mëttelpunkt stoen. Den Accord leet grousse Wäert drop, datt

d’Gesamtkompetenze vum Kandidat méi ëmfaassend evaluéiert ginn.

Weider gëtt de Certificat pédagogique opgewäert an den Examen-Concours soll an

Zukunft direkt an de Parcours vun de Chargéeën integréiert ginn. Domat soll souwuel

d’Qualitéit vum Enseignement wéi och d’Attraktivitéit vum Fonctionnairesstatut

gestäerkt ginn.

Mat dësem Accord huet d’ OEE/CGFP sech dofir agesat, eng Léisung ze ënnerstëtzen,

déi eng fair Fonctionnarisatioun erméiglecht an dobäi gläichzäiteg eng héich Qualitéit am

Enseignement Secondaire garantéiert.